< 上一篇 | 下一篇 > |
23.2 km | 03:38:38 | 09:25/km 日期: 2015-10-04 07:30 - 地點: Lantau 2 peak - 天氣: 三號風球 - 卡路里: 1315 Cal · 留言 · 留言 · 留言 今年第一次以參賽者身份去玩呢個賽,顆拍Jim 兄玩2人。今天三號風球無阻各參者前來挑戰呢條地獄賽道,一上黃龍坑郊遊徑,很多路已被水淹過,嚴格黎講可叫做黃龍坑郊遊河。本以為出到爛頭營只係大風,風係大,雨更大,仲要打橫落,配合時速超過100公里既風,好似打war game 比bb 彈掃射。果一刻做到既只係一手掩耳,垂低頭向前行直到落伯公坳,平時可以爽住落既梯級,今日好似老人家咁步步為營。因為一不小心唔係行落去,係碌落去。落到伯公坳珍惜這比賽罕見既平路,jog 呀jog ,直至接駁返鳳凰徑,預備打大佬鳳凰山,大東都吹到人都郁,心知上鳳凰不妙,由彎低身,抆草扶石,到最後手腳並用爬上去,先可以被免做人肉風箏,上到鳳凰不敢久留,落。雙腳開始無力小腿已抽筋,但梯級就越來越滑,繼續用老人mode 直到昂坪。呢個時候我同jim 兄雙腳都抽晒筋,但佢講左句:慢jog 仲可以,就係咁我地兩條友抽住jog 埋彌勒山郊遊徑,去到纜車搭,成個比賽最後一段下降,平時可以唔要膝頭飛落去,今日要飛落去可能係唔要命,加上抽晒筋,最終只可慢落。落到地下一刻,有重返人間之感,但仲有最後3公里平路,但我同jim 兄已抽到不能加速,只可均速回到終點。3小時38分,比預期快22分鐘。可惜既係送唔到jim 兄上凳仔,繼Translantau100 後,又係大嶼山,又係2人,又係緊頸4,哈哈。 10月累積里程 : 202.35 km Salomon Black /Orange(贈) 累積 : 184.7 km Android 手動上傳 | 9 years ago |